قصص رملية
قصص الكتاب المقدس في الرمال
شنو هما القصص الرملية؟
شكون اللي كيرسم بالرمل؟
كيفاش تستعمل القصص الرملية؟
شنو هما القصص الرملية؟
القصص الرملية هما قصص مروية بفن الرسم بالرمل. كيبان منظرهم زوين بزاف وانت كتشوف القصص كيتفتحو قدّامك وكيدّيوك لعالم رائع ديال قصص الكتاب المقدّس القديمة، والصلوات، والترانيم. تقدر تلقى أكثر من 30 قصة من القصص الرملية فالقناة ديال almassih.ma على اليوتيوب.
شكون اللي كيرسم بالرمل؟
عمرّك تساءلت شكون اللي كيدير هاد القصص الزوينة؟ إيوا، خليني نعرّفك على فنان الرمل ديالنا، Harm van Schaik.
بدا قبل شي سنوات يرسم اللقطات الأولى بالرمل فوق قطعة ديال الخشب، وكيحاول يروي قصة الخلق بطريقة جديدة. ودابا، من بعد ما شافو الملايين فيديوهات القصص الرملية، باقي كيروي بزاف ديال القصص المختلفة من الكتاب المقدّس.
مني كيرسم مشهد واحد، كيبدّل غالباً شي حاجة فالصورة وكيولّي المشهد كامل متحوّل قدّامك فالشاشة لحاجة جديدة كلياً. وكل مرة كتشوفها، غادي تندهش. وغادي تتأثر.
كيفاش تستعمل القصص الرملية؟
فكل قصة، كاينين كنوز مخبيّين. تقدر تستعمل هاد القصص باش تقلّب على هاد الكنوز المخفية. استعمال القصص راه تقليد قديم فطريقة تعليم الدروس الروحية: ما كتشرحهمش بطريقة مباشرة، ولكن فوسط القصص كتلقى الاختيارات الصعبة اللي خاص الواحد يديرهم.
تقدر تستعمل جميع القصص اللي تدارو باش تهضر على القصص القديمة ديال الكتاب المقدّس. استعملهم مع العائلة، فالقسم، ولا فمدرسة الأحد. بالنسبة لعدد من القصص، راه كاينين أفكار جاهزة ديال كيفاش تستعملهم، وتكليفات إبداعية، وتحميلات ديال مواد، وكلشي هادشي غادي يكون متوفّر قريباً.
