واش فعلاً كان يسوع؟

الكتاب المقدّس مقسوم لجوج أجزاء، اللي معروفة غالباً بالعهد القديم والعهد الجديد. العهد الجديد عامر بالقصص والأقوال ديال يسوع. باش نوضح، يسوع ما كتبش الكتاب المقدس بيديه. هاد الجزء الثاني كتبوه صحاب يسوع المقرّبين، ولا تكتب من بعد على يد أتباع جمعو الشهادات ديال الناس اللي شافو الأحداث بعينيهم. مهم تعرف أن الثقافة ديال رواية القصص كانت قوية بزاف فداك الوقت، حيث كانو قلال اللي كيعرفو يكتبو ويقراو، وكان السرد الشفوي جزء مهم من الحياة. وداكشي علاش القصص كانت كتتحفظ وتتعاود بدقة كبيرة. أول الأجزاء من العهد الجديد تكتبات أقل من 25 عام من بعد موت يسوع، وكانو مازال بزاف من الشهود عايشين ملي تكتبات هاد القصص. وبالمقارنة، كاينين كتب تاريخية قديمة معروفة تكتبات من بعد العديد من السنين من بعد الأحداث، ومع ذلك كيتعتابرو مراجع مهمة فالتاريخ.

المخطوطات

كاين أكثر من 5600 مخطوطة ديال العهد الجديد (ولا أجزاء منو). وهذا عدد كبير بزاف بالمقارنة مع أي وثيقة تاريخية أخرى، ومع ذلك هاد الوثائق الأخرى كيتعتابرو مصادر موثوقة ومعتمدة. هادشي كيعني أن النص الأصلي ديال العهد الجديد ممكن نرجعو ليه بدقّة كبيرة. الباحثين كيقولو أنه إلا دقّقنا مزيان فالنص وفالمعطيات التاريخية، غادي نوصلو لاستنتاج واحد: وهو أن المدة بين الأحداث اللي وقعات فعلاً والكتابة ديال الأناجيل الأربعة ما كتفوتش 30 عام.

العلماء

شنو كيقولو العلماء والباحثين فالأركيولوجيا (علم الآثار) اللي ما كيتعتابروش مسيحيين، على السؤال: واش يسوع فعلاً كان؟ التفاصيل على حياتو كانت ديما محل نقاش عبر القرون، ولكن تقريباً جميع العلماء والباحثين متّافقين على حاجة وحدة: الشخص اللي سميتو يسوع عاش فعلاً فوق هاد الأرض.

مصادر غير مسيحية

فالفترة اللي كان فيها يسوع عايش، كانو مؤرخين كيسجلو بالتفصيل الأحداث اللي كتوقع فزمانهم. من أشهر المؤرخين اليهود فذاك الوقت كان فلافيوس يوسيفوس، اللي كتب بعض العبارات على يسوع، كيفاش كان راجل حكيم، وكانو كيتبعوه يهود وأمم، وذكر حتى الطريقة اللي مات بها. كاينين أربعة مصادر أخرى حتى هي كتتكلم على حياة يسوع. عدد كبير من المؤرخين كيأكدو أن يسوع تزاد كيهودي ما بين 2 و6 قبل الميلاد، وترعرع فمدينة الناصرة. تعمد على يد يوحنا المعمدان، وجمع تلاميذ من حوله، وكان كيعلمهم هما والناس على الإيمان. من بعد حوالي 30 عام، مشى يسوع لأورشليم بمناسبة عيد الفصح اليهودي، وخلق ضجة فالهَيكل. تم القبض عليه واستنطقوه اليهود، ومن بعد حكم عليه بيلاطس البنطي بالإعدام. تصلب، ومات، وتدفن.

اكتاشف الجواب

واش يسوع فعلاً كان؟ تقدر تكون متأكد أن يسوع فعلاً عاش فوق هاد الأرض. ولكن، فين كتسالي هاد القصة ديالو؟ واش كاتسالي بالموت ديالو؟ ولا القصة كتكمل من بعد؟ هاد سؤال خاصك نتا اللي تجاوب عليه وتكتاشف الجواب براسك.

إلا كانت عندك أسئلة أخرى على الله وعلى الرسالة ديالو: تسجّل هنا اليوم، وغادي يوصلك إيميل كل صباح. هاد الرسائل غادي تعاونك تنمّي إيمانك، وتحس بحضور وقوة الله فحياتك!